انڈیا کی ریاست مہاراشٹر میں 30 برس کے ایک نوجوان نے اپنی دوست کو مبینہ(Allegedly) طور پر اس لیے قتل کرکے اپنے فلیٹ کی دیوار میں چُن دیا کیونکہ وہ اس سے شادی کرنے پر اصرار کررہی تھی۔
بھارتی میڈیا کے مطابق پولیس نے صحافیوں کو بتایا ہےکہ 30 سالہ ملزم نے اپنی 32 سالہ خاتون دوست کو شادی کا اصرار کرنے پر بے دردی(Brutally) سے قتل کیا۔
ایک سرکاری بیان میں کہا گیا ہے کہ خاتون کو گذشتہ برس اکتوبر میں قتل کیا گیا تھا اور لاش کی باقیات(Leftovers) ملزم کے فلیٹ سے چند روز پہلے برآمد کی گئی ہیں۔
بیان میں کہا گیا ہے کہ ملزم اور مقتولہ کا ایک دوسرے کے ساتھ پانچ برس سے تعلق تھا۔ خاتون کو آخری مرتبہ 21اکتوبر کو ملزم کے ساتھ دیکھا گیا تھا جس کے باعث اسے شامل تفتیش(Investigation) کیا گیا۔
جب مقتولہ(victim) کے خاندان والوں نے ملزم سے اس خاتون کے بارے میں پوچھا تو اس نے کہا کہ وہ گجرات گئی ہوئی ہیں۔ بیان میں لکھا ہے کہ اس کے بعد خاتوں کے گھر والوں نے پولیس سے رابطہ کیا اور پولیس نے اس شخص کو گرفتار کرکے لاش برآمد(Recover) کرلی۔
پولیس نے ملزم کو گرفتار کرنے کے بعد اس کے خلاف انڈین پینل کوڈ کی مختلف دفعات(Provisions) کے تحت قتل اور دیگر جرائم کرنے کا مقدمہ درج کر لیا ہے۔
0 تبصرے